ارمي الكورة في ملعب غيرك
أيوه أنا عارف إننا غلطان
بس الكلام دا بيني و بينك
**********
اعمل زيي
إتعلم مني
و اجري الاول
احرج , اجرح
و ارمي الكورة في ملعب غيرك
**********
تقولي أناني
تقولي الجاني
حسك عينك تتحداني
يلا ارميها في ملعب غيرك
*******************
احم احم
طبعا التخاريف اللي فوق دي من تهبيلي
المهم بجد في قضية تعباني جدا
"ارمي الكورة في ملعب غيرك"
ازاي يبأه واحد غلطان
!! و يغلطك
ازاي يكون ظالم
!! و يطلعك إنت الجاني
كتير جدااااا بتعرض لمواقف دي
ابسطها لو كلمت صاحبتي
و من زمان مكلمتهاش
و هي برضوو مكلمتنيش
-:اول كلمة تتقالي
"انتي فين, كويس انك افتكرتينا"
طيب يعني انا اللي في الاخر
!!! غلطانة عشان اتصلت
و قيسوا علي دا مواقف كتير
اهم حاجه تطلع انت الغلطان
.حتي لو كنت علي حق
متتصوروش اد اي دا
بيتعب اعصابي
و بيجرحني
و ببأه عايزة اصرخ
اقول انت \ انتي اللي غلطانين
بجد بيبأه قلبي بيبكي
و لا حد سامع و لا شايف
الحكاية دي تعباني اوي
حد اتعرض لحاجة زي دي؟؟؟
طيب تعالوا نتناقش
بس بالعقل
