ريم ,,, لون فرحه

(اضغط على الصور عشان تشوفها أحلى)

~.~.~.~.~.~.~.~.~.~.~.~.~.

ريم

لون من ألوان الفرحة

.اللي بنقابلها في حياتنا

ريم

طفلة مريضة

..و تقريبا باين من الصور عندها إيه

ريم

طفلة إبتسامتها بتحبها

,مش بتفارقها

...شقاوتها متشبعش منها

والدتها

رغم دا كله

..برضوو إبتسامتها بتحن لها

تحية و إحترام لها

لأنها بجد أثبتت إن التعامل مع الأطفال

أو المرضى مش محتاج تعليم و لا تدريب

,, دا بفطرة جميلة

...و للأسف كتير من الأمهات محتاجه تتعلمها

ريم

بدعيلك من قلبي..

..ربنا يشفيكي

ريم

بحبك يا لون الفرحة

و عدى شهر

عدى شهر و فات علينا

فرح جاي تاني لينا

إوعى تحزن أو تدمع

بكره أحلى

بكره أجمل

بكره هيبأه الفرح لينا

إرمي حملك علي اللي خلقك

قول يا رب قوي عبدك

بكره فرجه جاي لينا

وحدي لكن ونسان

(إضغط علي الصورة لمشاهدتها )

كل سنة و إنت طيب يا أغلى الحبايب

هابي بيرث دي تو يووووووو

هابي بيرث دي تو يووو

هابي بيرث تو شووو

هابي بيرث دي تو يوووووو

بكره عيد ميلاد شو صاحبتي

5\3

لأ مش صاحبتي هي أنتيمتي

لأ مش أنتيمتي

هي توأم روحي

و صديقة عمري

كل سنة و إنت طيب يا قمر

إمبارح بأه إحتفلنا بيه

كلمتني شيري و قالتلي نخرج

و إيه رأيك يا لولو في حاجة أمورة -

نجيب تورته و نعمل عيد ميلاد شو

(أصل البنوته شيري دي زوق أوي غيرنا خاااالص)

ماشي -

أنا مستخسرش حاجة في شو

:D

نزلنا و سبقناهم

لأن ميرو كانت جايه مع شو

رحنا المطعم

و قولنا لعمو ممكن بس تحط التورته في التلاجة

قالنا تحت أمركم يا فندم -

طيب ننزلها بعد الأكل

قولتله يبأه كتير خيرك -

:)

المهم أعدنا أنا و شيري

أنا حاسة إن عمو الجرسون -

هييجي مرة واحده في النص

و يقولنا ننزل التورته إمتي

قالتلي تفتكري

!! إيه يا شيري إنتي مش عارفه حظنا و لا إيه -

المهم

بث بث بث -

عمو الجرسون جه

(حضرتك إحنا عملين التورته سربريز(فجأة يعني -

لصاحبتنا ,, يعني عشان متجيش في النص

لا فاهم يا فندم بس أنا همشي بعد نص ساعه -

و هبلغ اللي بعدي

ربنا يسسسسسسسستر -

أعدنا نستنى الملكة شو و الأميرة ميرو

و نستنى و نستنى

و فين بأه لما شرفونا

:\

المهم طلبنا الأكل و كلنا و شربنا

و فجأتن عمو الجرسون جه

شو راحت بصاله

!!!! إيه , هو في إيه -

كل سنة و إنتي طيبة يا شو -

فيه إيه , مش مصدقة -

(يعيني معذورة أول مرة الظاهر كده )

كل سنة و حضرتك طيبة -

و حضرتك طيب -

و المطعم كله كان بيتفرج علينا

:D

و عمو الجرسون إلهي ربنا يباركله في بقشيشه

"شغلنا " كل سنة و إنت طيب و من قلبي قريب

أعدنا نتصور كلنا كلنا

و شو أهدت أغنية لكل واحد فينا

و في النهاية جه وقت تقطيع التورتة

و لا كأنها عملية جراحية

طيب أبدأ منين -

يا شو اقطعي من أي حته -

أصلي عمري مقطعت تورته -

و آخر مرة يا حياتي -

:D

المهم كلنا التورتاية و للأمانه

شو و ميرو خدوا حته كبييييييييييييرة

و أنا و المسكينة التانية خدنا حته نونووووو

:\

يلا تتعوض

و في نهاية اليوم ميرو فسحتنا باللانسر

مش أي أي يعني

:)

كل سنة و إنتي طيبة يا حبيبة قلبي

ربنا يخليكي ليا يارب

و يرزقك بالزوج الصالح و الذرية الصالحة

على فكرة أنا كنت عايزة أهديلك أغنية

!! .. يمكن

و نفسي أشوفك تاني

و لو مرة واحده يا غالي

عذابك ليه دايما بيحلالي

!! .. يمكن بحبك و مش واخد بالي

متسألنيش

أغنية :- أصالة

تصميم :- و القادم....أجمل

بـاكـالـولـه :)

السلام عليكم و رحمة الله و بركاته

طبعا هتستغربوا ليه فتحت التعليقات

و ليه أساسا كانت قفلاها

قفلتها لأني مكنتش قادرة أتواصل معاكم

لظروف الإمتياز و التدريب

ظروف جديدة و تغيير في كل شيء

في الوقت و الجهد البدني و الذهني

..قفلت التعليقات

فتحتها تاني

(لأن الأخ محمود (آلام و آمال

قالي رد زي متقولوا كده

كان نعناعه منعشه جداااااا

شكرا أخ محمود

و شكرا للجميع

و رجعتلكم المدونة زي مسيبتوها

:D

احترامي و تقديري لكم