الضاحك
انسان بيحب الضحك
طبيعته كده
من أول ميصحي من النوم
تلاقيه مبتسم
فرحان
يهزر
ينزل يهزر مع اي حد
يلاعب طفل ماشي
!!!مش يمكن يضحكه؟؟
يصبح علي دا
و يمسي علي دا
مش يمكن سلامه يفرحهم !!؟؟؟
في الشغل
في الجامعه
في درس
أو حتي في قهوة
هنعمل ايه
بيحب الضحك
و دي طبيعته
بس معني كده إنه إنسان هايف !!؟؟
بمعني أصح
معني كده إنه زي مبيقولوا مكبر خاااااااااااااالص
طيب متقعد معاه
طيب كلمه
مش يمكن يطلع عاقل و مثقف
بس طبيعته الضحك !!؟؟
طيب حاجه كمان
الضاحك ...حزين
مش معقووووووووووووووول!!؟؟
طيب ليه مش معقول
هوا مش إنسان بردوو
يعني يحزن ايه المانع
و اكتر كلمة تحزنه
" بأه معقول إنت تزعل , أومال مين يضحكنا "
!!!ليه هوا كان ايه بهلوان
الضاحك هياخد الكلمات دي اللي زي القنابل
و يحطها في قلبه
و يعدي اليوم عادي
و أول ميرجع بيته
هينزع الفتيل
و تنفجر القنبلة جواه
و يبدأ الحزن يطلع من كمونه
يطلع بثورة
محدش شايفها و لا سامعها
هوا بس اللي بيتألم بيها
الضاحك مشكلته إنه بيترجم حزنه
لضحكات يسعد بيها الاخرين
الضاحك للأسف
المجتمع حطه في قالب
صعب جدا يطلع منه
قالب الفرح و المرح
لييييييييييييييييييييه!؟؟
!مش هيا نفس الدنيا اللي عايشينها هوا عايشها
بحلوها و مرها
بخيرها و شرها
بفرحها و حزنها
بس هنعمل ايه
طبيعته كده
الضاحك باختصار
انــــــــــــــســـــــــــــــــــــان
