و علموني الجرح لذيذ
و الكدب دايما له رجلين
إجرح بكره الجرح يطيب
و ربك ياعم غفور رحيم
و علموني دروس في القسوة
جمد قلبك يلا إستقوى
لما بتقسى بتكون أحلى
بتكون أصدق بتكون أقوى
علموني و علموني
في الدنيا دي توهوني
مبقتش عارف أروح لمين
و تهت بين شمال و يمين
و علموني دروس في الطيبة
و إن الدنيا حلوة جميلة
و إن ربك مهما كان
هوا برضوو عالم بالحال
عارف النفس و إيه فيها
علموني إن الأخلاق
ليها ناسها و ليها كيان
و علموني راحة البال
أنام أصحى بضحكة جنان
علموني إزاي أدي
و لا عمري أستنى هاخد كام
علموني دروس كتيرة
معاني حكم كلها أصيلة
دول علموني
و
دول علموني
!!!و أديني خدت شهادة كبيرة
