و العجيب كل العجب
اني عايش بلا وطن
شاعر بألم و ألف ندم
و ارجع أحبك يا بلد
و اتهان و عايش ببتسم
و اترمي في حضنك منكسر
تضميني و تحميني
و تقولي يا بني يا نور عيني
و ساعات في لحظة ترميني
و اتهان و حابس دمعتي
و ارجعلك عارف سكتي
بجري عليكي بدون تفكير
قلبي و عقلي يسابقوا الريح
و نفسي اضمك بكل ما فيكي
اهلك شوارعك و حواريكي
كلام كتير في قلبي ليكي
عتاب و حب و فخر بيكي
يا صبية يا سمرا بناديكي
بحبك و بكره الجاي ليكي
