لما تلاقي شعب طيب
قلبه كبير
قلب حنين
يبأه أنت أكيد في مصر
تايه في شارع و عايز تسأل
ألف واحد يقوم يدلك
ياخد بايدك ينور دربك
يبأه أنت أكيد في مصر
صحبة حلوة و ناس جميلة
ضحكة صافية, قلوب بريئة
غنوة هايصة أو رقيقة
يبأه أنت أكيد في مصر
ناي حزين و نيل كبير
تبصله ترتاح العين
اسرح, افتكر أغلي حبيب
يبأه أنت أكيد في مصر
ييجي رمضان في الحسين
جو تاني إحساس جميل
عيد صغير أو كبير
ألوان كتيرة و لبس جديد
يبأه أنت أكيد في مصر
في الغربة تشتاق لمين
لأهلك ؟ لبلدك ؟ ولا صديق ؟؟
في الغربة هتلاقي مين
لا أهلك ، لا بلدك و لا الصديق
في الغربة هتحس بإيه
خوف , حزن , اشتياق و حنين
***********
سافر اتغرب
روح و جرب
و بكره تقولي
مصر دي أمي
زعلي منها دا غصب عني
من حكام سرقوا بلدي
أكلوا حق الشعب و حقي
سامحني يا وطني
!! دا غصب عني
