سقف الحياة بيخر ،،،،،،، هموم وقسوة ومر
وسحابة سنين غامقة ،،، تمطر دموع وتشر
ونغرق آلام وجراح ،،،،، فى ليل وماله صباح
ودنيا القلوب عتمة ،،،،،، مش قابلة للاصلاح
وجرح القلوب هين ،،،،،،،،،،،، نكره ولا نبين
ولا فيش اللى يصون ،،،،،، ويكون رحيم ليين
الاخ يظلم اخوه ،،،،،،،،،،،،، والابن يجرح ابوه
سافر وقال لامه ،،،،،،،،،، عنوانى دة تنسوه
نطقها بكل قسوة ،،،،، والقلب بيبكى حسرة
ودموعى نازلة منى ،، مجروحة بأعلى صرخة
والدنيا غدارة ،،،،،،،،،،،،، مكسبها دة خسارة
هييجى عليك اليوم ،،،،،،،،،،، وتحس بمرارة
وتقولها يا خسارة
سقف الحياة بيخر ،،، هموم وقسوة ومر
وسحابة سنيين غامقة
تمطر دموع وتشر
---------------
الشاعر أيمن عمر
