نفسي مرة تفهميني
تحس بيا ، تحسيني
نفسي بجد تعرفيني
تعرفي ايه يفرحني
و ايه اللي يدواي جرحي
تعرفي بس ان ملامحي
مرسومة عشان تحضن عينيكي
افهميني
ليه غاوية تتعبيني
و تتعبي القلب اللي عاش
كل يوم ينده عليكي
اسمعيني
اسمعي صمتي و سكاتي
اسمعي آهاتي و عذابي
اسمعي العيون بتنادي
اوعي تمشي و تسيبيني
قربيلي
قربيلي خطوة خطوة
امشي حبة او بسرعة
زي مانتي يا عمري حابه
حاولي تاني تقربيني
فرحيني
فرحيني زي زمان
كنا نمشي بالساعات
نضحك و يبكينا السكات
منك اوعي تحرميني
اوعديني
كوني شمسي كوني ضلي
كوني اميرة كل عمري
كوني قمرة في ليل طويل
سهرانة ليا تحرسيني
ونسيني
وعد حر و دين عليكي
ونسيني
و اهمسيلي
بكلمة واحدة
حاولي بيها تحسسيني
مهما غربتنا سنين
هتفضلي برضو تحبيني
أيوه من قلبك
حبيني
